"Борнмут" ярим ҳимоячилари Алекс Скотт ва Тайлер Адамс "Манчестер Юнайтед" қизиқишлари доирасига тушиб қолди.

Душанба куни бўлиб ўтган Премьер-лига баҳсида жамоалар ўзаро тўқнаш келди - 4:4. Ўйиннинг 5-дақиқасидаёқ Адамс жароҳат туфайли алмаштирилди - унинг ўрнини Скотт эгаллади. Transfer News Live хабарига кўра, "қизил иблислар" мураббий Рубен Аморимнинг сўровига кўра, майдон марказини қайта қуриш доирасида ҳар икки футболчини ўз сафига қўшиб олиш имкониятини кўриб чиқмоқда.

Манбага кўра, клублар Адамс бўйича музокаралар олиб борган, бироқ келишув 26 ёшли америкаликнинг жиддий жароҳати туфайли барбод бўлиши мумкин. Transfermarkt портали унинг нархини 25 млн еврога, 22 ёшли Алекс Скоттнинг нархини эса 30 млн еврога баҳолаган.