AQSH prezidenti Donald Tramp bir qator davlatlar, jumladan, JCH-2026da ishtirok etadigan Kot-d'Ivuar va Senegal fuqarolarining mamlakatga kirishini qisman taqiqlovchi farmonni imzoladi.
Bu haqda Oq uy saytida ma’lum qilingan.
Qaror AQSHdagi noqonuniy migrasiyaga qarshi kurash doirasida qabul qilingan.
Farmonda ta’kidlanishicha, ushbu hujjat "tekshirish, tasdiqlash va ma’lumot almashish tartib-qoidalarida aniq, doimiy va jiddiy kamchiliklar mavjud bo‘lgan davlatlar fuqarolarining kirishi bo‘yicha cheklovlarni kengaytiradi va kuchaytiradi hamda mamlakatni milliy va jamoat xavfsizligiga bo‘lgan tahdidlardan himoya qilishga qaratilgan".
