АҚШ президенти Дональд Трамп бир қатор давлатлар, жумладан, ЖЧ-2026да иштирок этадиган Кот-д'Ивуар ва Сенегал фуқароларининг мамлакатга киришини қисман тақиқловчи фармонни имзолади.

Бу ҳақда Оқ уй сайтида маълум қилинган.

Қарор АҚШдаги ноқонуний миграцияга қарши кураш доирасида қабул қилинган.

Фармонда таъкидланишича, ушбу ҳужжат "текшириш, тасдиқлаш ва маълумот алмашиш тартиб-қоидаларида аниқ, доимий ва жиддий камчиликлар мавжуд бўлган давлатлар фуқароларининг кириши бўйича чекловларни кенгайтиради ва кучайтиради ҳамда мамлакатни миллий ва жамоат хавфсизлигига бўлган таҳдидлардан ҳимоя қилишга қаратилган".