Avgust oyida "Bayer" "Manchester Siti"dan hujumchi Klaudio Echeverrini ijaraga oldi. Ammo, argentinalik futbolchi Leverkuzenda kam o‘yin amaliyotiga ega bo‘lmoqda. Echeverri yanvar oyidayoq jamoasini o‘zgartirishi ehtimoli yo‘q emas.
Ijtimoiy tarmoqlarda insayder Fabrisio Romanoning jurnalist Nil Solaga tayanib xabar berishicha, Echeverri qishda klubini o‘zgartirishi mumkin. Ispaniyaning "Jirona" klubi 19 yoshli futbolchini ijaraga olish bo‘yicha muzokaralarni boshladi. Shuningdek, Klaudioni sobiq jamoasi "River Pleyt" ham ijaraga olishga tayyor.
Nufuzli Transfermarkt portali mutaxassislari Klaudio Echeverrini 18 million yevroga baholamoqda.













