"Manchester Yunayted" yarimhimoyachisi Brunu Fernandesh ingliz klubini tark etadigan bo‘lsa, faoliyatini davom ettirmoqchi bo‘lgan ikkita ligani aytdi.
"Men "Manchester Yunayted"da o‘zimni kerakli deb his qilganimcha qolmoqchiman. Istiqbolda o‘z kuchimni Ispaniya chempionatida sinab ko‘rishni va Italiyada yirik chempionlik uchun kurashishni istardim. Italiya bilan aloqam ko‘p... qizim o‘sha yerda tug‘ilgan. Men allaqachon Portugaliyaga qaytish haqida o‘ylardim va birinchi variant "Sporting" bo‘lardi. Ammo men to‘liq yo‘lga qo‘yilgan jamoaga qo‘shilishni istamayman, o‘z hissamni qo‘shmoqchiman", - deya Fernandeshning so‘zlarini keltiradi The Sun.
Joriy mavsumda futbolchi klub safida barcha musobaqalarda 17 ta o‘yinda maydonga tushib, beshta gol urdi va yettita golli uzatmani amalga oshirdi.
