"Manchester Siti" futbolchisi Abduqodir Xusanov "Brentford"ga qarshi bahsda jiddiy qo‘pollik ishlatib, qizil kartochkadan qutilib qolgan edi. Bu haqida mehmonlar ustozi Keyt Endryu fikr bildirdi. U o‘yindan keyin shunday deydi:

"Hakam jiddiy qarorlarni bizning foydamizga qabul qilmadi. Mavsum uzoq va mashaqqatli. Hakamlarni ham tushunaman. Ammo Xusanov ishlatgan fol bu qizil kartochkali edi. Bizning futbolchimiz gol tomon ketayotgan edi. Toza qizil kartochkali holatda ular sariq bilan cheklanishdi. Buni tushunish juda ham qiyin".

Shaharliklar kechagi g‘alabadan keyin liga kubogi yarim finaliga yo‘l oldi.