Janubiy Koreyaning "Seul" klubi hujumkor yarim himoyachisi Jessi Lingard Angliya Premyer-ligasiga qaytishga umid qilmoqda. Bu haqida Hammers Chat xabar berdi.
Manbaga ko‘ra, Lingard 2021 yilda ijara asosida to‘p tepgan "Vest Xem"ga qaytish ehtimoli bor. Bir necha kundan so‘ng 33 yoshli yarim himoyachining klub bilan shartnomasi yakunlanadi, shu bois u erkin agentga aylanadi. Mish-mishlarga ishonadigan bo‘lsak, hozirda Lingard juda yaxshi sport formasida.
Aytish kerakki, Lingard 2024 yilda Janubiy Koreyaga jo‘nab ketguniga qadar butun faoliyatini Angliyada o‘tkazib, "Manchester Yunayted", "Lester", "Birmingem", "Brayton", "Derbi Kaunti", "Vest Xem" va "Nottingem Forest" klublarida to‘p tepgan.













