"Barselona" Belgiya yoshlar terma jamoasi va "Bryugge"ga aloqador NKST klubining 17 yoshli hujumchisi Jessi Bisivuga qiziqish bildirmoqda. Bu haqda jurnalist Sasha Tavolyeriga tayanib, Sport.es xabar berdi.

Manbaga ko‘ra, "ko‘k-anorranglilar" sport rahbariyati belgiyalik futbolchi va uning atrofidagilar bilan uchrashib, uni o‘z safiga qo‘shib olish bo‘yicha kelishuvga erishgan. Ta’kidlanishicha, Bisivu hali kelajagi borasida bir qarorga kelmagan.

Joriy mavsumda Bisivu barcha musobaqalarda 16 ta o‘yinda maydonga tushib, 2 ta gol va 1 ta assistni o‘z hisobiga yozdirib qo‘ydi. Futbolchining klub bilan amaldagi mehnat shartnomasi 2027 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 800 ming yevroni tashkil etadi.