"PSJ" bosh murabbiyi Luis Enrike darvozabon Matvey Safonovning jarohati haqidagi savolga javob berdi.

Juma kuni Parij klubi rossiyalikning qo‘li singanini e’lon qildi. Jarohat Qit’alararo kubok finalida sodir bo‘ldi, unda Safonov penaltilar seriyasida to‘rtta penaltini qaytargandi.

"Men hech narsani tushuntira olmayman. Bu aql bovar qilmaydi, lekin Safonov bu qanday sodir bo‘lganini bilmaydi. Biz bu uchinchi penalti paytida, g‘alati harakat bo‘lganida sodir bo‘lgan deb o‘ylaymiz. U ikkita penaltini qaytardi va qo‘lini sindirib oldi. Adrenalin shunchalik yuqori bo‘lganligi uchun o‘yinchi og‘riqni his qilmagan bo‘lishi mumkin", dedi Enrike matbuot anjumanida jurnalistlarga.

"PSJ" avvalroq 26 yoshli Safonovning ahvoli uch-to‘rt hafta ichida qayta baholanishini ta’kidlagan edi.