"ПСЖ" бош мураббийи Луис Энрике дарвозабон Матвей Сафоновнинг жароҳати ҳақидаги саволга жавоб берди.
Жума куни Париж клуби россияликнинг қўли синганини эълон қилди. Жароҳат Қитъалараро кубок финалида содир бўлди, унда Сафонов пеналтилар сериясида тўртта пеналтини қайтарганди.
"Мен ҳеч нарсани тушунтира олмайман. Бу ақл бовар қилмайди, лекин Сафонов бу қандай содир бўлганини билмайди. Биз бу учинчи пеналти пайтида, ғалати ҳаракат бўлганида содир бўлган деб ўйлаймиз. У иккита пенальтини қайтарди ва қўлини синдириб олди. Адреналин шунчалик юқори бўлганлиги учун ўйинчи оғриқни ҳис қилмаган бўлиши мумкин", деди Энрике матбуот анжуманида журналистларга.
"ПСЖ" аввалроқ 26 ёшли Сафоновнинг аҳволи уч-тўрт ҳафта ичида қайта баҳоланишини таъкидлаган эди.
