Nufuzli "Transfermarkt" internet portali dunyoning 30 yoshdan oshgan eng qimmat o‘n nafar futbolchisining yangilangan reytingini taqdim etdi.
Ushbu reytingda "Bavariya"ning 32 yoshli angliyalik hujumchisi Xarri Keyn yetakchilik qilmoqda, u 65 mln yevroga baholanmoqda. Ikkinchi o‘rinda uning 30 yoshli jamoadoshi germaniyalik yarimhimoyachi Yozua Kimmix (40 mln yevro), uchinchi o‘rinda "Manchester Yunayted"dan 31 yoshli portugaliyalik Brunu Fernandesh (40 mln yevro) bormoqda.
To‘liq reyting quyidagicha:
- Xarri Keyn («Bavariya», 32 yosh) — € 65 mln;
- Yozua Kimmix («Bavariya», 30 yosh) — € 40 mln;
- Brunu Fernandesh («Manchester Yunayted», 31 yosh) — € 40 mln;
- David Rayya («Arsenal», 30 yosh) — € 35 mln;
- Markinyos («PSJ», 31 yosh) — € 30 mln;
- Muhammad Saloh («Liverpul», 33 yosh) — € 30 mln;
- Andre Zambo Angissa («Napoli», 30 yosh) — € 27 mln;
- Bernardu Silva («Manchester Siti», 31 yosh) — € 27 mln;
- Joau Palinya («Tottenxem Xotspur», 30 yosh) — € 25 mln;
- Djek Grilish («Everton», 30 yosh) — € 25 mln.
Portugaliyalik Krishtianu Ronaldu (12 mln yevro) va argentinalik Lionel Messi (15 mln yevro) kabi yulduz hujumchilar reytingga kiritilmagan.
