"Manchester Yunayted"dan ijaraga olingan "Aston Villa" vingeri Jeydon Sancho kelasi oydayoq jamoasini o‘zgartirishi mumkin.
"Villa" 25 yoshli futbolchini mavsum oxirigacha ijaraga olishdi, biroq u ishonchni oqlamadi: ingliz asosiy tarkibga kira olmadi va biror marta samarali harakat qilmadi. Jurnalist Grem Beyli ma’lumotiga ko‘ra, "Aston Villa" yanvar oyida futbolchi bilan xayrlashishga umuman qarshi emas. "Qizil iblislar" ham Sanchodan umid qilmayapti. Kelishuvda ijarani muddatidan oldin to‘xtatish imkoniyati yo‘q, ammo qishki transfer oynasida yangi da’vogar paydo bo‘lsa, klublar Jeydonni ijaradan qaytarish bo‘yicha kelishib olishi mumkin.
Mavsum davomida Sanchoga Turkiya va Italiya chempionatlari vakillari qiziqish bildirayotgani haqida mish-mishlar tarqaldi.













