"Манчестер Юнайтед"дан ижарага олинган "Астон Вилла" вингери Жейдон Санчо келаси ойдаёқ жамоасини ўзгартириши мумкин.
"Вилла" 25 ёшли футболчини мавсум охиригача ижарага олишди, бироқ у ишончни оқламади: инглиз асосий таркибга кира олмади ва бирор марта самарали ҳаракат қилмади. Журналист Грем Бейли маълумотига кўра, "Астон Вилла" январь ойида футболчи билан хайрлашишга умуман қарши эмас. "Қизил иблислар" ҳам Санчодан умид қилмаяпти. Келишувда ижарани муддатидан олдин тўхтатиш имконияти йўқ, аммо қишки трансфер ойнасида янги даъвогар пайдо бўлса, клублар Жейдонни ижарадан қайтариш бўйича келишиб олиши мумкин.
Мавсум давомида Санчога Туркия ва Италия чемпионатлари вакиллари қизиқиш билдираётгани ҳақида миш-мишлар тарқалди.
