"Kristal Pelas" bosh murabbiyi Oliver Glasner "Lids"ga qarshi o‘yinda jamoasi ko‘rsatgan harakatlardan juda norozi bo‘ldi. Uchrashuv 1:4 hisobida "burgutlar"ning mag‘lubiyati bilan yakunlandi.
"Standart vaziyatlardan 4ta gol o‘tkazib yuborish - sharmandalik. O‘ylaymanki, bu mag‘lubiyatga to‘liq loyiq bo‘lgan birinchi o‘yinimiz. Va bu so‘nggi bir necha hafta ichida standart vaziyatlar tufayli mag‘lub bo‘lgan to‘rtinchi o‘yinimiz. Xodimlarim bilan gaplashishim kerak, buning uchun javobgarman. Bunday holat 1 yoki 2 marta bo‘lishi mumkin, lekin 4 marta emas," - deya murabbiyning so‘zlarini keltiradi Sky Sports.
Mazkur o‘yindan so‘ng "Kristal Pelas" 26 ochko bilan sakkizinchi, "Lids" 19 ochko bilan o‘n oltinchi o‘rinda bormoqda.
