"Кристал Пэлас" бош мураббийи Оливер Гласнер "Лидс"га қарши ўйинда жамоаси кўрсатган ҳаракатлардан жуда норози бўлди. Учрашув 1:4 ҳисобида "бургутлар"нинг мағлубияти билан якунланди.
"Стандарт вазиятлардан 4та гол ўтказиб юбориш - шармандалик. Ўйлайманки, бу мағлубиятга тўлиқ лойиқ бўлган биринчи ўйинимиз. Ва бу сўнгги бир неча ҳафта ичида стандарт вазиятлар туфайли мағлуб бўлган тўртинчи ўйинимиз. Ходимларим билан гаплашишим керак, бунинг учун жавобгарман. Бундай ҳолат 1 ёки 2 марта бўлиши мумкин, лекин 4 марта эмас," - дея мураббийнинг сўзларини келтиради Sky Sports.
Мазкур ўйиндан сўнг "Кристал Пэлас" 26 очко билан саккизинчи, "Лидс" 19 очко билан ўн олтинчи ўринда бормоқда.
