"Galatasaroy" hujumchisi Viktor Osimxen hamyurti, "Atalanta" forvardi Ademola Lukmanga yanvar oyidagi transferlar oynasi oldidan turk klubiga o‘tish imkoniyatini ko‘rib chiqishni maslahat berdi. Bu haqda Turkiyaning A Spor nashriga tayanib, Dailysports xabar berdi.
Lukman yozgi transferlar davridagi muvaffaqiyatsizlikdan so‘ng Italiya klubini tark etish variantini ko‘rib chiqmoqda, "Galatasaroy" uni sotib olish uchun kurashda favorit hisoblanadi. Manbaga ko‘ra, Osimxen ehtimoliy transferni qo‘llab-quvvatlagan.
Joriy mavsumda turk klubi hujumchisi 16 ta o‘yinda 12 ta gol urdi. O‘z navbatida, Lukman "Atalanta" safida beshta o‘yinda ikkita gol va bitta golli uzatmani amalga oshirdi.













