"Галатасарой" ҳужумчиси Виктор Осимхен ҳамюрти, "Аталанта" форварди Адемола Лукманга январь ойидаги трансферлар ойнаси олдидан турк клубига ўтиш имкониятини кўриб чиқишни маслаҳат берди. Бу ҳақда Туркиянинг A Spor нашрига таяниб, Dailysports хабар берди.
Лукман ёзги трансферлар давридаги муваффақиятсизликдан сўнг Италия клубини тарк этиш вариантини кўриб чиқмоқда, "Галатасарой" уни сотиб олиш учун курашда фаворит ҳисобланади. Манбага кўра, Осимхен эҳтимолий трансферни қўллаб-қувватлаган.
Жорий мавсумда турк клуби ҳужумчиси 16 та ўйинда 12 та гол урди. Ўз навбатида, Лукман "Аталанта" сафида бешта ўйинда иккита гол ва битта голли узатмани амалга оширди.
