"Nottingem Forest" klubi markaziy yarim himoyachisi Elliot Anderson Londonning "Chelsi" klubi qiziqishlari doirasiga tushib qoldi. Ushbu ma’lumotni Devid Ornshteyn e’lon qildi.
Manbaga ko‘ra, Eliotga Premyer-liganing yetakchi klublari, jumladan "Chelsi"dan ham katta qiziqish bor. Biroq yanvarda transfer amalga oshishi dargumon, chunki "o‘rmonchilar" futbolchini sotishdan aql bovar qilmaydigan 92-115 mln yevro ishlab olishmoqchi. Andersonni "Manchester Siti", "Manchester Yunayted", "Bavariya" va "Chelsi" o‘z safida ko‘rishni istamoqda, ammo ko‘p narsa murabbiylarga bog‘liq bo‘ladi, chunki nomlari tilga olingan klublarda hamon murabbiylar borasida noaniqliklar saqlanib qolmoqda.
Joriy mavsumda 23 yoshli Anderson barcha musobaqalarda 22ta o‘yinda maydonga tushib, 1ta gol urdi va 1ta assistni o‘z hisobiga yozdirib qo‘ydi.
