Joriy yil o‘tkazilgan “Prezident Olimpiadasi” musobaqasida umumjamoa hisobida Toshkent shahri jamoasi faxrli birinchi o‘rinni qo‘lga kiritgan edi.

Shu munosabat bilan poytaxtimizdagi “Renessans” kino uyida musobaqada shohsupaga ko‘tarilgan Toshkent shahri vakillari, shuningdek, yuqori natija qayd etgan shahar federasiya bo‘limlarini taqdirlash marosimi bo‘lib o‘tdi.

Tadbirda Sport vazirligi, O‘zbekiston Milliy Olimpiya qo‘mitasi hamda Toshkent shahar hokimligi rahbariyati, shahar sport boshqarmasi mutasaddilari, sportchilar va ularning yaqinlari ishtirok etdi.

Marosim davomida 51 nafar sportchi planshet, 35 nafar murabbiy televizor bilan taqdirlandi, shuningdek, tayekvondo WT, sport kurashlari, badiiy gimnastika va 3x3 basketbol yo‘nalishlarida yangi sport ob’ektlarini barpo etish uchun federasiya bo‘limlariga maxsus vaucherlar topshirildi.