Londonning "Tottenxem" klubi markaziy himoyachisi Radu Dregushin yanvar oyidagi transfer oynasida jamoani tark etishi mumkin. Bu haqda insayder Nikolo Skira xabar bermoqda.
Manbaga ko‘ra, 23 yoshli ruminiyalik futbolchi haqida Italiyaning ikki klubi "Fiorentina" va "Roma" ma’lumot so‘ragan.
Dregushin "Tottenxem" safida 2024 yilning yanvaridan buyon to‘p tepib kelmoqda. Joriy mavsumda himoyachi biror marta maydonga tushmadi, chunki u tizzasining xochsimon paylari uzilganidan keyin tiklanishni davom ettirmoqda.
Dregushinning "shporlar" bilan amaldagi shartnomasi 2030 yilning yoziga qadar mo‘ljallangan. Transfermarkt mutaxassislari futbolchining narxini 22 million yevroga baholamoqda.













