Лондоннинг "Тоттенхэм" клуби марказий ҳимоячиси Раду Дрэгушин январь ойидаги трансфер ойнасида жамоани тарк этиши мумкин. Бу ҳақда инсайдер Николо Скира хабар бермоқда.

Манбага кўра, 23 ёшли руминиялик футболчи ҳақида Италиянинг икки клуби "Фиорентина" ва "Рома" маълумот сўраган.

Дрэгушин "Тоттенхэм" сафида 2024 йилнинг январидан буён тўп тепиб келмоқда. Жорий мавсумда ҳимоячи бирор марта майдонга тушмади, чунки у тиззасининг хочсимон пайлари узилганидан кейин тикланишни давом эттирмоқда.

Дрэгушиннинг "шпорлар" билан амалдаги шартномаси 2030 йилнинг ёзига қадар мўлжалланган. Transfermarkt мутахассислари футболчининг нархини 22 миллион еврога баҳоламоқда.