"Manchester Yunayted" yarim himoyachisi Manuel Ugarte qishki transferlar davrida jamoani tark etishi mumkin.
Murabbiy Ruben Amorim urugvaylik futbolchini "qizil iblislar"ning asosiy tarkibida ko‘rmayapti. Jurnalist Ekrem Konurning yozishicha, "Galatasaroy", "Lion" va "Napoli" xavbek ijarasi ustida ishlamoqda. Shuningdek, "Yuventus", "Atletiko", "Marsel", "Aston Villa" va "Nyukasl" klublari ham vaziyatni kuzatib bormoqda.
"Manchester Yunayted" Manuel Ugartening sotuvidan taxminan 45-50 mln funt (51-57 mln yevro) ishlab olmoqchi, Transfermarkt portali esa 24 yoshli futbolchining narxini 30 mln yevroga baholamoqda.













