"Real" bosh murabbiyi Xabi Alonso hamon ishdan bo‘shatilish xavfidan xoli emas. Dekabr oyi o‘rtalarida ispaniyalik mutaxassis iste’foga chiqish arafasida edi, shundan so‘ng jamoa ketma-ket uchta g‘alabaga erishdi. Murabbiy almashtirish haqidagi gap-so‘zlar tindi, ammo Alonsoning tez orada ketishi hamon istisno qilinmayapti. The Athletic xabariga ko‘ra, "qaymoqranglilar" barqaror g‘alaba qozonishda davom etmasa, "Real" murabbiy bilan xayrlashishi mumkin.
Qayd etilishicha, agar madridliklar joriy yilning so‘nggi o‘yinida "Sevilya"ni mag‘lub etmaganida, "qirollik klubi" prezidenti Florentino Peres Alonsoni iste’foga chiqarishi mumkin edi.
Eslatib o‘tamiz, Xabi Alonso yoz boshida Karlo Anchelotti o‘rnida ish boshlagandi.
