"Реал" бош мураббийи Хаби Алонсо ҳамон ишдан бўшатилиш хавфидан холи эмас. Декабрь ойи ўрталарида испаниялик мутахассис истеъфога чиқиш арафасида эди, шундан сўнг жамоа кетма-кет учта ғалабага эришди. Мураббий алмаштириш ҳақидаги гап-сўзлар тинди, аммо Алонсонинг тез орада кетиши ҳамон истисно қилинмаяпти. The Athletic хабарига кўра, "қаймоқранглилар" барқарор ғалаба қозонишда давом этмаса, "Реал" мураббий билан хайрлашиши мумкин.
Қайд этилишича, агар мадридликлар жорий йилнинг сўнгги ўйинида "Севилья"ни мағлуб этмаганида, "қироллик клуби" президенти Флорентино Перес Алонсони истеъфога чиқариши мумкин эди.
Эслатиб ўтамиз, Хаби Алонсо ёз бошида Карло Анчелотти ўрнида иш бошлаганди.
