"Chelsi" bosh murabbiyi Enso Mareska APLning 16-turidan o‘rin olgan "Everton"ga (2:0) qarshi o‘yindan so‘ng murabbiyning shov-shuvli intervyusi haqidagi jurnalistlar savoliga yana bir bor javob qaytardi. Uchrashuvdan so‘ng Mareska London klubidagi eng yomon 48 soatini o‘tkazganini va hech qanday qo‘llab-quvvatlash yo‘qligini aytdi.
"Har xil paytlar bo‘ladi. Biz juda ko‘p vaqtimizni birga o‘tkazamiz, shuning uchun ba’zida yaxshiroq, ba’zida esa yomonroq davrlar bo‘lishi odatiy hol. Menimcha, har qanday oilada shunday bo‘ladi. Ikki-uch hafta o‘tib hamon bir xil mavzuda gapirishimiz asabga tegadi. Shundan keyingi dastlabki kunlarda ommaviy axborot vositalarida men ta’sir o‘tkaza olmaydigan reaksiya paydo bo‘lishi mumkinligini tushunishim mumkin.
Ammo ikki-uch hafta o‘tgan bo‘lsa-da, biz hali ham buni muhokama qilayotganimiz meni g‘azablantiradi, garchi men allaqachon rahbariyat bilan hech qanday muammo yo‘qligini tushuntirgan va bu haqda bir hafta oldin, "Nyukasl"ga qarshi o‘yin oldidan aytgan edim," - deya Mareskaning so‘zlarini keltiradi Sky Sports.
Ayni paytda "Chelsi" 29 ochko bilan APL turnir jadvalida to‘rtinchi o‘rinda bormoqda.
