"Inter" markaziy himoyachi Branimir Malachichni transfer qilish masalasida "Xayduk" bilan aloqalarni faollashtirdi. Bu haqda La Gazzetta dello Sport nashri xabar bermoqda.

Manbaga ko‘ra, "neradzurrilar"ning 18 yoshli futbolchiga bo‘lgan qiziqishi ortishining asosiy sababi Yevropaning top-klublari, jumladan, "Barselona", "Real", Dortmundning "Borussiya" va "Nyukasl" klublari e’tibori kuchayganidir.

Joriy mavsumda Mlachich barcha musobaqalarda 18 ta o‘yinda maydonga tushib, 2 ta golli uzatmani amalga oshirdi. Futbolchining klub bilan amaldagi mehnat shartnomasi 2029 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 4 mln yevroni tashkil etadi.