Kelgusi yilda "Manchester Yunayted" bir nechta transferlarni amalga oshirishni rejalashtirmoqda. Mankunianliklar klubning ham qisqa, ham uzoq muddatli ehtiyojlarini qondira oladigan bir nechta markaziy himoyachilarni ko‘rib chiqmoqda. Bu haqda Caught Offside xabar bermoqda.

Manbaga ko‘ra, "qizil iblislar"ning asosiy transfer maqsadlaridan biri hamon "Everton" a’zosi Jerred Brentueyt bo‘lib qolmoqda, u jismoniy ko‘rsatkichlari va to‘pni nazorat qila olishi bilan qadrlanadi.

Shuningdek, "Manchester Yunayted"ga "Kristal Pelas" himoyachisi Mark Gexi ham qiziq.

Mankunianliklar "Atalanta"dan 17 yoshli Xonest Axanorga ko‘z tikmoqda. Himoyachi "qizil iblislar" bosh murabbiyi Ruben Amorimning klub ichida rivojlantirish mumkin bo‘lgan yosh iste’dodlar borasidagi afzalliklariga mos keladi.