"Liverpul" sardori Virjil van Deyk ijtimoiy tarmoqlardagi tanqidlarning yosh futbolchilarga ta’siri haqida gapirdi.
Arne Slot jamoasi joriy mavsumda beqaror o‘yin ko‘rsatmoqda, buning natijasida uning futbolchilari ko‘pincha tanqidlar qurboni bo‘lmoqda.
"Atrofda shovqin juda ko‘p - yangi avlod uchun bu oson emas. Turli platformalar ko‘payib bormoqda va men va Muhammad Saloh doimiy ravishda yosh futbolchilardan ijtimoiy tarmoqlardan uzoqroq bo‘lishni so‘raymiz. Shunchaki futbol o‘ynash kerak.
"Kristal Pelas"ga qarshi o‘yinda chetlatilgan Amara Nallo bilan uzoq suhbatlashdik. Men unga: "Ijtimoiy tarmoqlarga kirma, oilang bilan bo‘l," dedim. Xuddi shunday maslahatni o‘tgan yilning yanvarida, u PSV bilan o‘yinda maydonni tark etganida bergan edim. Agar u ijtimoiy tarmoqlarga kirsa, nimaga duch kelishini hech kim bilmaydi. Bu xavfli joy," - deya van Deykning so‘zlarini keltirmoqda ingliz OAV.
