"Ливерпуль" сардори Виржил ван Дейк ижтимоий тармоқлардаги танқидларнинг ёш футболчиларга таъсири ҳақида гапирди.
Арне Слот жамоаси жорий мавсумда беқарор ўйин кўрсатмоқда, бунинг натижасида унинг футболчилари кўпинча танқидлар қурбони бўлмоқда.
"Атрофда шовқин жуда кўп - янги авлод учун бу осон эмас. Турли платформалар кўпайиб бормоқда ва мен ва Муҳаммад Салоҳ доимий равишда ёш футболчилардан ижтимоий тармоқлардан узоқроқ бўлишни сўраймиз. Шунчаки футбол ўйнаш керак.
"Кристал Пэлас"га қарши ўйинда четлатилган Амара Налло билан узоқ суҳбатлашдик. Мен унга: "Ижтимоий тармоқларга кирма, оиланг билан бўл," дедим. Худди шундай маслаҳатни ўтган йилнинг январида, у ПСВ билан ўйинда майдонни тарк этганида берган эдим. Агар у ижтимоий тармоқларга кирса, нимага дуч келишини ҳеч ким билмайди. Бу хавфли жой," - дея ван Дейкнинг сўзларини келтирмоқда инглиз ОАВ.
