Londonning "Arsenal" klubi sardori Martin Edegor APL joriy mavsumida ilk bor gol urdi.
Yarim himoyachi Angliya Premyer-ligasining 18-turida "Brayton" darvozasini (2:1) ishg‘ol qildi. 27 yoshli norvegiyalik futbolchi uchrashuvning 14-daqiqasida "Arsenal"ni oldinga olib chiqdi.
Joriy mavsumda Edegor yelkasi va tizzasidagi muammolar tufayli har doim ham jamoaga yordam bera olmadi. "Brayton"ga qarshi o‘yin uning "Arsenal" safidagi joriy APLdagi 12-o‘yini bo‘ldi.













