"Inter" bosh murabbiyi Kristian Kivu yarim himoyachi Davide Frattezining kelajagi haqidagi savolga javob berdi.
Ko‘plab mish-mishlarga ko‘ra, 26 yoshli futbolchi yanvar oyida "neradzurrilar"ni tark etmoqchi, chunki u jamoadagi mavqeidan norozi.
"Yuventus" yarim himoyachi uchun asosiy da’vogarlardan biri hisoblanadi. "Frattezi kutilganidan kamroq o‘ynadi.
Buning turli sabablari bor edi. Sizga hamma narsani aytib bera olmayman - ba’zi narsalar kiyinish xonasida qolishi kerak.
Men barcha tafsilotlarni oshkor qila olmayman", dedi Kivu.













