"Tottenxem" bosh murabbiyi Tomas Frank klubning qishki transferlar oynasidagi rejalari haqidagi savolga javob berdi.
Yakshanba kuni "shporlar" Premyer-liga doirasida safarda "Kristal Pelas" ustidan g‘alaba qozondi (1:0). Uchrashuv yakunlangach, jurnalistlar daniyalik murabbiydan yanvarda tarkib kuchaytirilishiga umid qilish-qilmasligini so‘rashdi.
"Albatta, transfer oynasi tez orada ochiladi va biz variantlarni ko‘rib chiqamiz, ammo bu haqiqatan ham jamoani kuchliroq qiladigan futbolchi bo‘lishi kerak. Agar mos variantlarni topishning iloji bo‘lmasa, unda kutgan ma’qul, biroq biz bozorni albatta o‘rganib chiqamiz," deb aytgan Frank intervyuda.
"Tottenxem" APL turnir jadvalida 18 turdan so‘ng 25 ochko bilan 11-o‘rinda bormoqda.
