"Tottenxem" 2026 yilda "Kristal Pelas" yarim himoyachisi Adam Uorton uchun kurash olib bormoqchi.
21 yoshli futbolchi ko‘plab mahalliy va xorij grandlari tomonidan qiziqish uyg‘otmoqda, shu bois uni o‘z tomoniga og‘dirib olish oson bo‘lmaydi. Jurnalist Din Jonsning yozishicha, "shporlar" istiqbolli xavbek uchun kurashga qaytishga qaror qilgan va uning uchun "juda jiddiy" summa taklif qilishni rejalashtirmoqda.
Adam Uortonning Transfermarkt saytidagi narxi - 60 mln yevro, angliyalikning "Kristal Pelas" bilan shartnomasi 2029 yilgacha amal qiladi. Joriy mavsumda futbolchi "burgutlar" safida barcha musobaqalarda 24 ta o‘yinda maydonga tushib, 3 ta golli uzatmani amalga oshirdi.













