"Barselona"ning o‘ng qanot himoyachisi, "Elche" safida ijara asosida to‘p tepayotgan Ektor Fort yaqinda jarohat oldi.

19 yoshli futbolchi o‘tgan turda "Rayo Valyekano"ga qarshi o‘yinning 6-daqiqasida gol urgan, ammo 12-daqiqadayoq yelkasi chiqib ketgani uchun zaxiraga olingan edi. Sport xabariga ko‘ra, yosh ispaniyalik jarrohlik amaliyotini o‘tkazgan. Tiklanish bir necha hafta davom etishi kutilmoqda.

Ektor Fort "Elche" safida 12 ta o‘yinda ikkita gol urdi va shuncha golli uzatmani amalga oshirdi. Ma’lumotlarga qaraganda, "Barselona" futbolchining ijaradagi o‘yinidan mamnun va u kelasi mavsumda Xans-Diter Flik jamoasida asosiy tarkib uchun kurashishga qodir, deb hisoblamoqda.