"Барселона"нинг ўнг қанот ҳимоячиси, "Эльче" сафида ижара асосида тўп тепаётган Эктор Форт яқинда жароҳат олди.
19 ёшли футболчи ўтган турда "Райо Вальекано"га қарши ўйиннинг 6-дақиқасида гол урган, аммо 12-дақиқадаёқ елкаси чиқиб кетгани учун захирага олинган эди. Sport хабарига кўра, ёш испаниялик жарроҳлик амалиётини ўтказган. Тикланиш бир неча ҳафта давом этиши кутилмоқда.
Эктор Форт "Эльче" сафида 12 та ўйинда иккита гол урди ва шунча голли узатмани амалга оширди. Маълумотларга қараганда, "Барселона" футболчининг ижарадаги ўйинидан мамнун ва у келаси мавсумда Ханс-Дитер Флик жамоасида асосий таркиб учун курашишга қодир, деб ҳисобламоқда.
