"Manchester Yunayted" bosh murabbiyi Ruben Amorim jamoasining jarohat olgan futbolchilari holati haqida gapirdi.
Bugun "qizil iblislar" Premyer-liga doirasida o‘z maydonida "Vulverxempton"ga qarshi bahs olib boradi.
"Maunt tayyor bo‘ladimi yoki yo‘qmi, bilmayman, lekin Maynu o‘ynay olmaydi, deb o‘ylayman. Bruno [Fernandesh] hali tayyor emas, de Ligt va Maguayr ham - menimcha, tayyor emas. Kadrlar bilan bog‘liq vaziyat yaxshilanmadi," - dedi Amorim matbuot anjumanida.
"Manchester Yunayted" - "Vulvz" uchrashuvi Toshkent vaqti bilan 01:15da boshlanadi.













