Madridning "Real" klubi yakunlanayotgan 2025 yilda ishonchli himoya bilan ajralib turmadi. Ispaniya grandi barcha musobaqalarda 67 ta o‘yinda 80 ta gol o‘tkazib yubordi. Opta xabariga ko‘ra, Yevropaning beshta yetakchi chempionatining barcha vakillari orasida faqat Angliyaning "Tottenxem" klubi (59 o‘yinda 83 gol) eng ko‘p gol o‘tkazgan. Fransiyaning "Brest" klubi raqiblariga "qaymoqranglilar" bilan bir xil 80 marta gol urishga imkon berdi.
O‘tgan yozda "Real"da murabbiy o‘zgardi: Braziliya terma jamoasiga ketgan Karlo Anchelotti o‘rnini Xabi Alonso egalladi. O‘tgan mavsumda madridliklar La Ligada 2-o‘rinni egallagan bo‘lsa, joriy chempionatning 18-turidan keyin ikkinchi o‘rinni egallab turibdi.
