FIFA prezidenti Janni Infantino futbol qoidalariga ofsayd bilan bog‘liq o‘zgarishlar kiritilishi mumkinligiga ishora qildi.
Sobiq murabbiy Arsen Venger ilgari ham shunga o‘xshash islohotni taklif qilgan edi. Dubayda bo‘lib o‘tgan birinchi Jahon sport sammitida so‘zlagan Infantino o‘yinni yanada hujumkor va jozibador qilishga qaratilgan g‘oyani taklif qildi.
"Biz ko‘p yillar davomida rivojlanib kelgan ofsayd qoidasini ko‘rib chiqmoqdamiz. Ehtimol, kelajakda hujumchi ofsaydga tushib qolishi uchun to‘liq oldinga siljishi kerak bo‘ladi", dedi Infantino.













