"Manchester Yunayted" sardori Brunu Fernandesh Ruben Amorimning jamoa ustozligidan ketishiga munosabat bildirdi.
Yarim himoyachi ijtimoiy tarmoqlarda portugaliyalik mutaxassisga omma oldida murojaat qildi.
- Rahmat, janob! Sizga va texnik xodimlaringizga eng yaxshi tilaklarni tilayman," - deb yozgan portugaliyalik xavbek.
Eslatib o‘tamiz, 5 yanvar kuni ingliz klubi Amorim bilan hamkorlikni to‘xtatganini rasman e’lon qilgandi. Mutaxassis 2024 yildan buyon "MYU"da ishlab kelayotgan edi.
Brunu bu mavsumda APLda 17ta o‘yinda maydonga tushib, 5ta gol urdi va 7ta golga hammualliflik qildi. "Manchester Yunayted" APL 20-turida 31 ochko jamg‘arib, 6-o‘rinda bormoqda.













