"Manchester Yunayted" va Shimoliy Irlandiya terma jamoasining sobiq himoyachisi Jonni Evans "qizil iblislar"ning asosiy jamoasi murabbiylar tizimidan joy oldi. Bu haqda Sky Sports xabar bermoqda.
Xabar qilinishicha, Evans mankunianliklar bosh murabbiyi vazifasini vaqtincha bajaruvchi Darren Fletcherga yordamchi bo‘ldi. Seshanba kuni ular Ruben Amorim iste’foga chiqqanidan keyin birinchi jamoaviy mashg‘ulotlarni birgalikda o‘tkazishdi.
Faoliyatini yakunlagach, Evans "Manchester Yunayted"ning ijaraga berilgan futbolchilari uchun mas’ul bo‘ldi. U bu lavozimni 2025 yil dekabr oyida tark etgan.
Ertaga, 7 yanvar kuni "qizil iblislar" "Byornli" mehmoni bo‘ladi.













