"Манчестер Юнайтед" ва Шимолий Ирландия терма жамоасининг собиқ ҳимоячиси Жонни Эванс "қизил иблислар"нинг асосий жамоаси мураббийлар тизимидан жой олди. Бу ҳақда Sky Sports хабар бермоқда.
Хабар қилинишича, Эванс манкунианликлар бош мураббийи вазифасини вақтинча бажарувчи Даррен Флетчерга ёрдамчи бўлди. Сешанба куни улар Рубен Аморим истеъфога чиққанидан кейин биринчи жамоавий машғулотларни биргаликда ўтказишди.
Фаолиятини якунлагач, Эванс "Манчестер Юнайтед"нинг ижарага берилган футболчилари учун масъул бўлди. У бу лавозимни 2025 йил декабрь ойида тарк этган.
Эртага, 7 январь куни "қизил иблислар" "Бёрнли" меҳмони бўлади.
