"Manchester Yunayted" rahbariyati mavsum yakuniga qadar bosh murabbiy vazifasini bajaruvchi sifatida bir nechta nomzodlarni ko‘rib chiqmoqda va ulardan biri Rud van Nistelroy hisoblanadi.
The Athletic xabariga ko‘ra, niderlandiyalik mutaxassis Ole Gunnar Sulsher bilan birga klub short-listidan joy olgan. Qayd etilishicha, norvegiyalik murabbiy allaqachon klub rahbariyati bilan muzokaralar olib borgan, ammo van Nistelroy ham klubdagi o‘tmishdagi tajribasini hisobga olgan holda nomzod sifatida jiddiy ko‘rib chiqilmoqda.
Eslatib o‘tamiz, 5 yanvar kuni "MYU" Ruben Amorim bilan xayrlashdi - portugaliyalik klubda bir yildan sal ko‘proq vaqt ishladi.
