Londonning “Chelsi” klubi Madridning “Real” jamoasi hujumchisi Vinisius Juniorni o‘z safiga qo‘shib olish niyatida. The Guardian xabariga ko‘ra, ingliz klubi braziliyalik futbolchi uchun 135 million funt sterling (taxminan 156 million yevro) taklif qilishga tayyor.

Manbaga ko‘ra, Vinisius “Real”dagi hozirgi vaziyatdan to‘liq qoniqmayapti. Shu bois hozircha klub bilan shartnomani uzaytirishga shoshilmayapti. Bu holat ortidan “Chelsi” Vinisiusni transfer qilish uchun harakat boshlagan.

25 yoshli Vinisiusning “Real” bilan amaldagi shartnomasi 2027 yil iyun oyining oxirigacha mo‘ljallangan. Klub futbolchini erkin agent sifatida qo‘ldan chiqarmaslik uchun yanvar oyida sotish imkoniyatini ko‘rib chiqishi mumkin. U 2018-yildan buyon Madrid klubi safida to‘p surib kelmoqda. Vinisius shu vaqt mobaynida “Real” bilan birgalikda uch karra Ispaniya chempioni, ikki karra Chempionlar Ligasi g‘olibi bo‘lgan. Braziliyalik futbolchi “Real” safida jami 347 ta uchrashuv o‘tkazib, o‘z hisobiga 111 ta gol va 91 ta golli uzatma yozdirib qo‘ygan.