"Manchester Siti" yarimhimoyachisi Bernardu Silva "Galatasaroy" qiziqishlari doirasiga tushib qoldi.
Yulduz portugaliyalik "shaharliklar" safini joriy mavsum yakunlangach, amaldagi shartnomasi yakuniga yetgach tark etishi mumkin. Jurnalist Pedru Almeydaning yozishicha, "Galatasaroy" xavbekni erkin agent sifatida o‘z safiga qo‘shib olmoqchi. Turkiya klubi vakillari allaqachon 31 yoshli futbolchi bilan bog‘langan.
Bernardu Silva 2017 yildan buyon "Manchester Siti" sharafini himoya qilib kelmoqda. Joriy mavsumda futbolchi Xosep Gvardiola jamoasi safida barcha musobaqalarda 27 ta o‘yinda maydonga tushib, 1 ta gol va 2 ta golli uzatmaga mualliflik qildi.
