"Манчестер Сити" яримҳимоячиси Бернарду Силва "Галатасарой" қизиқишлари доирасига тушиб қолди.
Юлдуз португалиялик "шаҳарликлар" сафини жорий мавсум якунлангач, амалдаги шартномаси якунига етгач тарк этиши мумкин. Журналист Педру Алмейданинг ёзишича, "Галатасарой" хавбекни эркин агент сифатида ўз сафига қўшиб олмоқчи. Туркия клуби вакиллари аллақачон 31 ёшли футболчи билан боғланган.
Бернарду Силва 2017 йилдан буён "Манчестер Сити" шарафини ҳимоя қилиб келмоқда. Жорий мавсумда футболчи Хосеп Гвардиола жамоаси сафида барча мусобақаларда 27 та ўйинда майдонга тушиб, 1 та гол ва 2 та голли узатмага муаллифлик қилди.













