"Manchester Yunayted"da markaziy yarim himoyachi sifatida to‘p tepayotgan Manuel Ugarte navbatdagi klub e’tiboriga tushdi. Voetbal International xabariga ko‘ra, urugvaylik futbolchi "Ayaks" qiziqishlari doirasiga tushib qolgan.
Manbaga ko‘ra, Niderlandiya klubi rahbariyati mankunianliklar va futbolchining o‘ziga ijara variantini taklif qilmoqchi. Ugartening o‘zi ham ehtimoliy transferga qarshi emas - u JCH-2026 terma jamoasiga chaqiruv olish uchun o‘yin amaliyotiga ega bo‘lishni istaydi.
Eslatib o‘tamiz, Ugarte Turkiyaning "Galatasaroy" klubining ham transfer maqsadi hisoblanadi.
Joriy mavsumda 24 yoshli futbolchi 15 ta o‘yinda maydonga tushib, o‘z hisobiga gol yozdirib qo‘ymadi.
