Terma jamoalarimizning tibbiy ta’minotini yanada takomillashtirish maqsadida MOQ qoshidagi Respublika sport tibbiyoti ilmiy-amaliy markazi (RSTIAM) qator yangi ilmiy-amaliy loyihalarni tatbiq etmoqda.
Jumladan, ayni kunlarda markazda Rossiya Federasiyasidan taklif etilgan tajribali neyroxirurg-vertebrolog, professor Andrey Baskov ishtirokida yangi dastur asosida ishlar olib borilmoqda.
Mutaxassisning ikki kunlik tashrifi davomida mahalliy shifokorlar bilan amaliy tajriba almashish, shuningdek, ayrim holatlarda kichik jarrohlik amaliyotlarini o‘tkazish rejalashtirilgan. Bugun bir qator sportchilar o‘zlarini bezovta qilayotgan turli sohalardagi jarohatlar bo‘yicha qimmatli maslahat va tavsiyalarni oldilar.
Shuningdek, markaz hamda sport federasiyalarida faoliyat yuritayotgan shifokorlar uchun seminar tashkil etildi. Unda sportchilar salomatligini tiklash, jarohatlarni barvaqt aniqlash va profilaktika qilish masalalari muhokama qilindi.
R
yejaga muvofiq, ertaga RSTIAMda yaqinda faoliyat boshlagan yangi bo‘limda jarrohlik amaliyotlari bo‘yicha mahorat saboqlari o‘tkazilishi ko‘zda tutilgan.
