Терма жамоаларимизнинг тиббий таъминотини янада такомиллаштириш мақсадида МОҚ қошидаги Республика спорт тиббиёти илмий-амалий маркази (РСТИАМ) қатор янги илмий-амалий лойиҳаларни татбиқ этмоқда.
Жумладан, айни кунларда марказда Россия Федерациясидан таклиф этилган тажрибали нейрохирург-вертебролог, профессор Андрей Басков иштирокида янги дастур асосида ишлар олиб борилмоқда.
Мутахассиснинг икки кунлик ташрифи давомида маҳаллий шифокорлар билан амалий тажриба алмашиш, шунингдек, айрим ҳолатларда кичик жарроҳлик амалиётларини ўтказиш режалаштирилган. Бугун бир қатор спортчилар ўзларини безовта қилаётган турли соҳалардаги жароҳатлар бўйича қимматли маслаҳат ва тавсияларни олдилар.
Шунингдек, марказ ҳамда спорт федерацияларида фаолият юритаётган шифокорлар учун семинар ташкил этилди. Унда спортчилар саломатлигини тиклаш, жароҳатларни барвақт аниқлаш ва профилактика қилиш масалалари муҳокама қилинди.
Р
ежага мувофиқ, эртага РСТИАМда яқинда фаолият бошлаган янги бўлимда жарроҳлик амалиётлари бўйича маҳорат сабоқлари ўтказилиши кўзда тутилган.
