«Sassuolo» yarim himoyachisi Tarik Muxaremovich ikki klub diqqat markaziga tushdi, deb xabar beradi La Gazzetta dello Sport.
22 yoshli bosniyalik futbolchi «Manchester Yunayted» va «Inter» klublarining e’tiborini jalb qildi.
Mankunianliklar Kazemironing jamoadan ketishi ortidan yanada zaiflashadigan yarim himoya chizig‘ini kuchaytirish niyatida.
«Inter» esa A seriyaga yaxshi moslashgan iqtidorli xavbekni o‘z safiga qo‘shib olishni istamoqda. Muxaremovich «Sassuolo» tarkibida allaqachon 14 ta o‘yin o‘tkazib, to‘rtta samarali harakat (gol va assist) qayd etgan.
Bosniyalik futbolchi o‘tgan yozda «Yuventus»dan ko‘chib o‘tgan. Turin klubi futbolchining keyingi transferidan 50 foiz ulushga ega bo‘ladi, bu esa ehtimoliy transfer qiymatiga jiddiy ta’sir ko‘rsatishi mumkin. Transfermarkt portali Muxaremovichni 14 million yevroga baholamoqda.













