Angliya chempionatining 21-turidan o‘rin olgan markaziy o‘yinda "Arsenal" va "Liverpul" klublari 0:0 hisobida durang o‘ynadi. Opta Analyst xabariga ko‘ra, o‘tgan uchrashuvda mersisaydliklar antirekord qayd etishgan.
"Qizillar" so‘nggi 16 yil ichida ilk bor Angliya Premyer-ligasi doirasidagi uchrashuvni darvozaga birorta ham aniq zarba bermasdan yakunladi. Oxirgi marta 2010 yilning mart oyida "Liverpul" "Uigan"ga 0:1 hisobida mag‘lub bo‘lganda shunday hodisa yuz bergandr.
"Emireyts"dagi durangdan so‘ng Arne Slot shogirdlari turnir jadvalida to‘rtinchi pog‘onani band etib turibdi. "Liverpul" APLning amaldagi chempioni hisoblanadi.
